Pique thotë se Barcelonës do t’i bëjë mirë humbja ndaj Bilbaos

Gerard Pique ka komentuar humbjen befasuese të Barcelonës në ndeshjen e xhiros së parë në La Liga.

Kampionët janë mposhtur 1-0 nga Athletic Bilbao, me një gol të shënuar nga Aritz Aduriz, në minutën e 89’ të ndeshjes.

“San Memes është gjithmonë i vështirë dhe sot gara na vendosi në vendin tonë”, ka deklaruar Pique.

“Ne nuk ishim vetvetja. Që nga fillimi ata ishin më të mirë, megjithëse në pjesën e dytë ranë pak”.

“Në fund, fitorja ose humbja zbret në detaje, dhe ne largohemi me një humbje që do të jetë e mirë për ne, sepse është më mirë të humbasim tani sesa në fund të sezonit”.