Një aksident i rëndë trafiku ka ndodhur në orët e para të mëngjesit në rrugën “Bill Clinton” në Prishtinë. Në këtë aksident ka qenë e përfshirë edhe një veturë e Policisë së Kosovës, derisa të lënduar kanë mbetur katër persona, dy prej të cilëve zyrtarë policorë.

Lajmin e ka konfirmuar zëdhënësja e Policisë së Kosovës për rajonin e Prishtinë, Flora Ahmeti.

Sipas tij në këtë aksident kanë qenë të përfshira dy vetura, njëra nga veturë e Policisë.

“Sot rreth orës 03:30 kemi pranuar informatën se në rrugën ‘Bill Klinton’ në Prishtinë, ka ndodhur një aksident trafiku me lëndime. Në këtë aksident kanë qenë të përfshira dy vetura në lëvizje (njëra nga to veturë e policisë). Si pasojë e aksidentit lëndime trupore kanë pësuar katër persona (dy nga ta zyrtarë policorë)”, thuhet në raport.

Ndërkaq, Ahmeti tha se personat e lënduar janë dërguar për tretman mjekësor.

Gazeta Express ka siguruar pamje nga momenti pas aksidentit, ku shihet vetura e policisë e rrokullisur. Në vendngjarje shihen dy patrulla të policisë.