Paloka demanton Ramën: Video që dëshmon se Basha kurrë nuk ka qenë pjesë e ndonjë hetimi ndaj UÇK’së

Nënkryetari i Partisë Demokratike në Shqipëri, Edi Paloka, thotë se ofron fakte që argumentojnë se kryeministri i Shqipërisë, Edi Rama, po gënjen dhe mashtron publikun kur po e akuzon liderin e PD’së, Lulzim Bashën.

Paloka thotë se përmes deklaratave fyese ndaj Bashës, po e keqpërdor Kosovën. Madje, ofron edhe një video si argument.

Ai gjithashtu thotë se Rama dhe Ministria e Jashtme Ruse janë të vetmit që ende flasin për Shtëpinë e Verdhë.

Sipas nënkryetarit, Basha asnjëherë nuk ka qenë pjesë e ndonjë hetimi ndaj UÇK’së.

Më poshtë gjeni deklaratën e plotë të nënkryetarit Paloka dhe videon për të cilën pretendon se është argument.https://streamable.com/e/cl5bl7

Video me fakte që rrëzon mashtrimet e Edi Ramës kundër Bashës. Edi Paloka thirrje Ramës: Mjaft e keqpërdore Kosovën! Ja borxhi që Rama i ka Kosovës dhe shqiptarëve!

Që ti dhe Ministria e Jashtme Ruse jeni të vetmit që flisni akoma për Shtëpinë e Verdhë.

Që kasetën, dëshmitari yt ia kishte dhënë BBC në prani të Dash Pezës dhe jo Lulzim Bashës.

Që përkthyesi në Shtëpinë e Verdhë ishte Artan Grubi dhe jo Lulzim Basha.

Që Lulzim Basha, siç deklaroi dhe prokurori i EULEX-it nuk kishte qenë KURRË pjesë e asnjë hetimi ndaj UÇK-së.

Që, siç pohoi edhe miku yt Baton Haxhiu në Opinion, pretendimi se Lulzim Basha ka qenë i pranishëm në arrestimet e komandantëve të UÇK-së është gënjeshtër.

E gjithë skema jote e mashtrimit që ke ngritur deri më sot kundër Lulzim Bashës, u rrëzua.

Shiko në çfarë bataku e zhyte veten, vetëm e vetëm për të larguar vëmendjen e njerëzve nga  skandalet dhe vjedhjet e muajve të fundit dhe dështimit në përballjen me krizën e COVID-19.

Mjaft e keqpërdore Kosovën! Sot ia ke borxh Hashim Thaçit e Jakup Krasniqit gjithë ç’ke sajuar. Ditën që ata përballeshin me akuzat e Vuçicit, në Hagë ti firmose me të marrëveshje.

Ia ke borxh Kosovës dhe shqiptarëve përgjigjjen, pse vetëm ti dhe Ministria e Jashtme e Federatës Ruse flisni akoma për Shtëpinë e Verdhë. Edi Rama, mjaft e dëmtove Kosovën, mjaft e bëre pis luftën e UÇK-së për të fshehur dështimet e tua.

Po vjen dita të japësh llogari për të gjitha dështimet dhe zullumet e tua në kurriz të shqiptarëve!