Pacolli për xhaminë: Mos u shqetësoni për ndërtimin e saj, duhet të jemi mirënjohës ndaj Turqisë
Behgjet Pacolli ka reaguar pas protestës për xhaminë në Prishtinë.
Pacolli ka thënë se askush nuk duhet të shqetësohet për ndërtimin e xhamisë në Prishtinë, sipas tij duhet të jemi mirënjohës ndaj Turqisë.
“Arkitektura e saj është shprehje e ndjenjave kulturore e fetare të shumicës së popullatës të besimit Islam të vendit. Ne duhet të jemi mirënjohës Turqisë dhe donatorëve tjerë për gjestin e tyre”, ka shkruar Pacolli në Facebook.
Ky është shkrimi i plotë i tij:
Xhamija e Re,
Askush nuk ka arsye të shqetësohet për ndërtimin e xhamisë se re në Prishtinë.
Arkitektura e saj është shprehje e ndjenjave kulturore e fetare të shumicës së popullatës të besimit Islam të vendit.
Ne duhet të jemi mirënjohës Turqisë dhe donatorëve tjerë për gjestin e tyre. Kosova është një shembull për botën kur bëhet fjalë për tolerancë fetare e diverzitet etnik e demografik.
Le të vazhdojmë të jemi kështu.