Pa Messi dhe Suarez, Barcelona e pëson nga Levante (VIDEO)
Barcelona ka humbur ndeshjen e parë të 1/8-ave të Copa del Rey. Levante ka mposhtur gjigantët katalanas me rezultatin 2-1 në Estadi Ciutat de Valencia.
Nuk ishte një mbrëmje e mirë për të besuarit e Ernesto Valverde-s, i cili kishte zgjedhur të bënte rotacion, por prapëseprapë kishte në fushë lojtarë me kualitet të madh si Coutinho apo Dembele.
Kjo ishte ndeshja e parë që pas janarit të vitit 2017 që Barcelona ndëshkohet me dy gola që në pjesën e parë në një ndeshje të Copa del Rey.
Lionel Messi dhe Luis Suarez nuk janë aktivizuar në këtë sfidë, por duke parë rezultatin e ndeshjes së parë, padyshim që në ndeshjen e kthimit në Camp Nou do të zbresin në fushë.
