Viktor Orban
Orban nuk do të ofrojë fonde për Ukrainën, mban lidhje me Rusinë
Kryeministri i Hungarisë, Viktor Orban, ka kritikuar liderët e Bashkimit Evropian, siç ka thënë, për të gjitha vendimet e këqija që kanë marrë për luftën e Rusisë në Ukrainë.
Ai ka thënë se liderët e BE-së nuk përfaqësojnë popujt e Evropës.
Në një intervistë kryeministri populist i Hungarisë ka thënë se nga lufta në Ukrainë është duke u shkatërruar Evropa.
Qeveria e Orbanit ka vazhduar lidhjet e ngushta ekonomike dhe diplomatike me Rusinë.
Orbani ka deklaruar se nuk e ka ndërmend të ndihmojë financiarisht Ukrainën në synimet e saj për të fituar luftën kundër Rusisë.
Deri në fund të vitit BE-ja do të miratojë pakon prej 50 miliardë eurove për Ukrainën, të cilat do të ofrohen për periudhën katërvjeçare.
Ndërkaq, së fundmi ka miratuar pakon ushtarake në vlerë prej 20 miliardë eurove.