Viktor Orban
Orban: Hungaria do të mund të ratifikonte kandidaturën e Suedisë në NATO gjatë 26 shkurtit
Hungaria do të mund të ratifikonte kandidaturën e Suedisë në NATO më 26 shkurt, kur do të thirret seancë në Parlamentin hungarez, ka paralajmëruar kryeministri i këtij vendi Viktor Orban.
“Së bashku me kryeministrin suedez, kemi bërë hapa të rëndësishëm për atë që ta rikthejmë besimin. Po shkojmë në drejtimin që në seancën e ardhshme të Parlamentit të mund të ratifikojmë pranimin e Suedisë në NATO”, ka thënë Orban.
Siç është bërë e ditur në ueb-faqen e qeverisë hungarez, Parlamenti do të thirr seancën e radhës më 26 shkurt. Hungaria është anëtarja e fundit e NATO-s që duhet të miratojë pranimin e Suedisë në NATO.
Qershorin e kaluar, partia Fidesz e Orbanit i tha CNN se prisnin që Suedia të “lehtësonte shqetësimet e saj” për Hungarinë përpara votimit për pranimin e Suedisë në NATO.
Partia tha se “anëtarët e qeverisë suedeze fyen rregullisht votuesit hungarezë dhe Hungarinë në tërësi”.
Por në janar, Orban tha se i tha Sekretarit të Përgjithshëm të NATO-s, Jens Stoltenberg se “ripohoi se qeveria hungareze mbështet anëtarësimin e Suedisë në NATO”.
VIDEO BONUS: Qytetari: Amerikën jemi ka e anashkalojmë e nuk është mirë, se na ka çliru
