Orari i plotë i kalendarit të Shqipërisë për kualifikimet EURO 2020
U hodh sot në Dublin të Irlandës shorti për eliminatoret e Euro 2020-ës, ndërsa goglat e pozicionuan Shqipërinë e Panuccit në grupin H, së bashku me Francën, Turqinë, Islandën, Moldavinë dhe Andorrën.
Në orët e mbrëmjes, drejtuesit e federatave respektive u mblodhën për të miratuar edhe kalendarin e ndeshjeve, që do të startojnë në mars dhe përfundojnë në nëntor.
Kuqezinjtë do ta nisin aventurën në këto eliminatore pikërisht më 22 Mars ndaj Turqisë, në Shqipëri, për ta mbyllur po në shtëpi, me dy ndeshje radhazi, fillimisht ndaj Andorrës dhe më pas ndaj Francës. /SS/
Shqipëri-Turqi – 22 Mars 2019
Andorra-Shqipëri – 25 Mars 2019
Islandë-Shqipëri – 8 Qershor 2019
Shqipëri-Moldavi – 11 Qershor 2019
Francë-Shqipëri – 7 Shtator 2019
Shqipëri-Islandë – 10 Shtator 2019
Turqi-Shqipëri – 11 Tetor 2019
Moldavi-Shqipëri – 14 Tetor 2019
Shqipëri-Andorra – 16 Nëntor 2019
Shqipëri-Francë – 19 Nëntor 2019
