Në elitën e futbollit çek, këtë fundjavë po zhvillohet xhiroja e 27-të.

Në ndeshjen Slovacko – Slovan Liberec luajti edhe mesfushori kosovar, Qëndrim Zyba, i cili është pjesë e këtyre të fundit.

Zyba startoi nga fillimi në një ndeshje të Liberecit, që nga 16 shkurti.

Ai menjëherë doli në skenë, duke asistuar në minutën e 13-të, për golin e shënuar nga Krollis.

Zyba edhe vetë e gjeti rrjetën e golit, pasi shënoi nga penalltia në minutën e 29-të.

Në minutën e 36-të, Zyba përsëri e gjeti rrugën e golit, pas një depërtimi fantastik e një goditjeje maestrale.

Madje sipas kompanisë së statistikave sportive “Sofa Score”, Zyba është më i miri në botë deri më tani në këtë vikend, dhe i vetmi me notën 10.