Norwichi i Rashicës mbetet ekipi i vetëm pa pikë në Premier Ligë
Norwichi nuk e ka shijuar fitoren e parë në Premier Liga as pas pesë ndeshjeve, duke u mposhtur në shtëpi nga Watfordi me rezultat 3:1.
Emmanuele Dennis në minutën e 17-të i dha epërsinë mysafirëve, para se Temmu Pukki të barazonte në të 35-n.
Por në pjesën e dytë, Watford realizoi dy gola përmes Ismaila Sarr (63’ 83’) dhe mori tri pikë tejet të rëndësishme.
Këtë takim e luajti për 88 minuta edhe futbollisti kosovar i Norwich, Milot Rashica.
Norwich është ekipi i vetëm që nuk ka asnjë pikë pas pesë xhirove të para në elitën angleze, ndërkohë Watfordi ka gjashtë.
