Shqiperi

Një vit nga tërmeti i tmerrshëm në Shqipëri që la të vdekur 51 persona

Ishte ora 03.56 minuta e mëngjesit të 26 nëntorit, ku tronditja prej 50 sekonda shënoi një prej ngjarjeve më të rënda në fushën e fatkeqësive natyrore në Shqipëri.

U bënë një vit nga tërmeti i tmerrshëm, lëkundjet e të cilit morën jetën e 51 personave si dhe plagosi plot 913 të tjerë, si dhe u prekën plot 202 mijë persona në disa bashki.

Pallate, shtëpi, shkolla të shembura, njerëz që kërkonin ndihmë, ambulanca, makina policie e ushtrie ishte tabloja e asaj tragjedie.

Orët e para ishin kaotike, pasi shumë njerëz nën rrënoja luftonin mes jetës dhe vdekjes, ndërkohë të tjerëve iu duhej të përballeshin edhe me panikun që shkaktonin post-lëkundjet.

Solidariteti i vëllezërve, fqinjve dhe miqve nuk mungoi. Kosova, Italia, Greqia, Turqia, Franca e shumë vende të tjera sollën në Shqipëri ekipe të kërkim-shpëtimit që për ditë me radhë kërkuan nën rrënoja për trupat e viktimave.

Pas një viti, plagët ende nuk janë shuar. Durrësi dhe Tirana ishin dy prej bashkive më të mëdha që patën pasoja të rënda, por jo më pak edhe në bashkitë e Shijakut, Krujës, Kamzës, Kavajës, Kurbinit, Lezhës, Rrogozhinës.

Italian rescuers stand in front of a collapsed house of Lala family in Durres, western Albania, Thursday, Nov. 28, 2019. Hopes were fading Thursday of finding anyone else alive beneath the rubble of collapsed buildings in Albania two days after a deadly quake struck the country’s Adriatic coast, with the death toll increasing to 40 after more bodies were pulled from the ruins. (ANSA/AP Photo/Hektor Pustina) [CopyrightNotice: Copyright 2019 The Associated Press. All rights reserved]