Rusia
Një tjetër zjarr i madh shpërthen në Shën Petersburg, digjet një depo e madhe
Një tjetër zjarr i madh ka shpërthyer në Shën Petersburg të Rusisë.
Zjarri shpërtheu në depon prej 800 metrave katrorë në Piskarevk të Shën Petersburgut.
Për këtë është bërë e ditur në një kanal në Telegram, ku autoritetet e ministrisë për Situata Emergjente konfirmuan zjarrin që ka shpërthyer në qytetin e dytë më të madh në Rusi.
“Një depo me dimensione 80×10 metra, po digjet dhe zjarri ka filluar të përhapet në objektet afër depos”, u tha nga kjo ministri.
Në fikjen e zjarrit janë angazhuar 12 njësi dhe mbi 60 shpëtimtarë. Akoma nuk raportohet për viktima apo dëme materiale.
Ndryshe qytetet ruse muajt e fundit po ballafaqohen me zjarre të shumta, që kanë filluar të shpërthejnë në rrethana krejtësisht misterioze.
