VIDEO
Në takimin me Poloninë, izraelitët mbajtën një minutë heshtje për viktimat e tyre pavarësisht ndalimit të UEFA-s
Ditën e djeshme (e premte) në Lodz të Polonisë u zhvillua ndeshja për eliminatoret e Euro 2025 mes ekipeve kombëtareve U-21 të Polonisë dhe Izraelit dhe skena e fillimit të ndeshjes bëri xhiron e botës.
Izraelitët kërkuan një minutë heshtje para ndeshjes për viktimat e sulmit të Hamasit të 7 tetorit që nisi konfliktin e fundit në Lindjen e Mesme, por UEFA refuzoi.
Megjithatë, një minutë heshtje u mbajt në një mënyrë të pazakontë.
Gjegjësisht, izraelitët dhe polakët ranë dakord që të ndalojnë menjëherë sapo të fillojë topi i parë nga qendra dhe të bëjnë nderime për viktimat izraelite.
Izraelitët nxorën topin jashtë dhe menjëherë pushuan së luajturi, dhe polakët gjithashtu qëndruan të gjithë në gjysmën e tyre dhe nuk lëvizën në 60 sekondat e para të lojës.
Ndryshe, Polonia fitoi 2-1 dhe është lider i grupit me katër fitore nga po aq ndeshje, ndërsa Izraeli i ka humbur të dyja ndeshjet e luajtura deri më tani.
