Ndërpriten stërvitjet te Barcelona
Barcelona ka pezulluar stërvitjen e planifikuar për ditën e premte, pasi UEFA ka vendosur të shtyjë ndeshjet e Ligës së Kampionëve të javës së ardhshme.
UEFA përmes një komunikate bëri të ditur se janë shtyrë ndeshjet e parapara të zhvillohen në të martën dhe mërkurën e javës së ardhshme.
Me të marrë këtë lajm, Barcelona ka vendosur të pezullojë stërvitjen e ditës së premte.
Lojtarët ishin mbledhur në qendrën stërvitore për t’u përgatitur për ndeshjen kundër Napolit në Ligën e Kampionëve, por shtyrja e ndeshjeve ka bërë që planet të ndryshojnë, dhe lojtarët janë rikthyer në shtëpi te familjet e tyre.