Serie A
Napoli rikthehet të fitorja, mposht në udhëtim Salarnitanan
Napoli bëri detyrën në Salerno përballë skuadrës së Pippo Inzaghit. Kampionët e Italisë shënuan nga një gol për pjesë, duke thyer 0-2 Salernitanën e vendit të fundit.
Giacomo Raspadori zhbollokoi ndeshjen në minutën e 13’. Sulmuesi i kombëtares italiane mori një top nga Lobotka dhe mposhti meksikanin Ochoa me një diagonale potente.
Goli i qetësisë erdhi tetë minuta përpara fundit, dhe ishte shumë i bukur. Eljif Elmas marshoi nga mesi i fushës dhe gjeti cepin e portës kundëtshtare me një gjuajtje të bukur.
Skuadra e Rudi Garcias është ngjitur në kuotën e 21 pikëve në vendin e katërt. Dhe tashmë fokusohet në Champions League, aty ku mesjavën e ardhshme pret gjermanët e Union Berlin.