Munishi konfirmon largimin e Baftiut nga Ballkani dhe rrugën drejt Evropës

Trajneri i Ballkanit, Ismet Munishi, ka konfirmuar largimin e yllit të skuadrës, Blendi Baftiu.

Në një postim në Facebook, Munishi ka shkruar se Baftiu nuk do të luajë më në Superligë, por ka mohuar raportimet se lojtari do t’i bashkohet Rapidit të Vjenës në Austri.

“Blendi Baftiun e njihni si futbollist fantastik si djaloshi i artë i Ballkanit, të cilin nuk do ta shihni të luajë ne Superligë më, por besoj se ka qenë e mjaftueshme atë që keni parë. Por unë do ta mbajë në mend si lojtarin me karakterin më fisnik që kam pas në karrierën time si trajner. Të dua fort ti e din Blendi. Rrugë të mbarë Loqkaman”, ka shkruar ndër tjerash Munishi.

Në sezonin e fundit, Baftiu shkëlqeu me Ballkanin duke realizuar 18 gola në Superligë në 29 paraqitje.