Borussia Moenchengladbach e ka eliminuar Bayern Munichun nga Kupa e Gjermanisë.

Të besuarit e Julian Nagelsmann, ani pse me më të mirët në fushë, u befasuan për 90 minuta në “Borussia-Park”, duke u mposhtur 5-0 nga Moenchengladbach.

Vendasit i shënuan tre gola në pjesën e parë, dhe dy të tjerë në pjesën e dytë.

Në 45 minutat e parë shënuan Kone dhe dy të tjera Bensebaini, derisa në atë të dytë shënoi dy herë Embolo.

Kjo është humbja më e thellë e Bayern në stol me Nagelsmann, humbje e papritur që ka trazuar shtëpinë e kampionit.