Modric i gatshëm për çdo sfidë në vitit 2023 me Real Madridin

Ylli i Real Madridit, Luka Modric ka këmbëngulur se është gati për sfidën e vitit 2023.

37-vjeçari luajti një rol kyç për Kroacinë deri te arritja në gjysmëfinalen e dytë radhazi në Kupën e Botës në Katar, pasi ata humbën nga fituesi Argjentina.

Megjithatë, pavarësisht kërkesave të Los Blancos që luftojnë nëpër fronte të shumta në gjysmën e dytë të sezonit dhe sfidës së një Kupe Bote në mes të sezonit, Modric do të vazhdojë.

Mesfushori veteran është rikthyer në stërvitje në Madrid dhe bëri një paraqitje të vonë nga stoli në fitoren 2-0 të Real Madridit në La Liga kundër Real Valladolid.

Përvoja e Modric do të jetë jetike në përpjekjet e Real Madridit për të mbrojtur titujt e tyre vendas dhe evropianë në muajt e ardhshëm dhe ai është gati për betejën e ardhshme.

“Jam shëruar shpejt nga e gjithë kjo (Kupa e Botës), të paktën kështu ndihem unë”, ka thënë fillimisht Modric në një intervistë me gazetën kroate Jutarnji list.

“Nuk ka asnjë problem, çfarëdo që duhet. Unë jam këtu, i gatshëm dhe i etur për beteja dhe sfida të reja në 2023”, përfundoi kroati.

Modric pritet të pushohet për udhëtimin e Real Madridit në Copa del Rey në CP Cacereno përpara se të kthehet për ndeshjen e ligës në Villarreal më 7 janar. /Telegrafi/