Mirlind Kryeziu shënon në fitoren e thellë të Zuerichut
Mbrojtësi kosovar, Mirilind Kryeziu, ka gjetur golin me skuadrën e Zuerichut në fitoren e thellë 4:0 ndaj Luzernit.
Kryeziu realizoi në minutën e 20-të për 3:0. Mbrojtësi 24-vjeçar luajti nga minuta e parë në këtë ndeshje.
Titullar ishte edhe Fidan Aliti te Zuerichu. David Domgjoni u aktivizua 46 minuta, derisa Lorik Emini luajti për 62 minuta te Luzerni.
Pas kësaj fitoreje, Zuerichu është lider në kampionatin zviceran me 34 pikë. Luzerni mbetet në vendin e fundit me 10 pikë.
