Ministri Zemaj e jep një lajm të mirë: Sot kemi rënie të infektuarve dhe rritje të numrit të shëruarve

Ministri i Shëndetësisë, Armend Zemaj, duke folur para deputetëve, para pak çastesh, ka thënë se sot ka rënie të numrit të të infektuarve me koronavirus dhe rritje të atyre që janë shëruar.

“Sapo mora informacionet e fundit se sot kemi rënie të numrit të infektuarve, rritje të testimeve dhe rritje të numrit të të shëruarve”, ka thënë Zemaj, shkruan Ballkani.info.

Ditëve të fundit në Kosovë ka shënuar rritje të numrit të të infektuarve me COVID-19, ku vetëm dje ishin 216 të infektuar. /Ballkani.info/