Ministri serb që dje mori pjesë në bisedimet në Bruksel: Kurrë nuk kam parë diçka të tillë
Ministri i Punëve të Jashtme të Serbisë, Nikola Selakoviq, ka folur për takimin e djeshëm midis delegacionit kosovar dhe atij serb në kuadër të dialogut Kosovë-Serbi.
Selakoviq tha se asnjëherë nuk ka përjetuar diçka të tillë në bisedimet Kosovë-Serbi.
“Presidenti Vuçiq është njeri që vazhdimisht merr pjesë në bisedime me përfaqësuesit e Prishtinës, dhe unë kam qenë shumë herë i pranishëm, por nuk kam përjetuar diçka të tillë”, ka thënë Selakoviq për Tv Prva.
Sipas tij delegacioni kosovar nuk tregoi as konstruktivitetin më të vogël.
Selakoviq shtoi se pika e vetme për të cilën u dakorduan është që të takohen përsëri në fund të korrikut.
