Milani nuk fiton ndaj Parmës, rrezikon vendin e katërt (Video)
Milani nuk ka arritur të dalë me 3 pikë nga udhëtimi te Parma teksa është dashur të pajtohej në fund me një barazim 1-1.
Ndeshja filloi me ritëm të ulët, ndërsa rastet më të mira i patën vendasit.
Fillimisht Kucka iu afrua golit me një roveshatë, kurse edhe Gervinho dështoi të shënonte nga afërsia.
Edhe pjesa e dytë nuk ndryshoi nga e para, me Milanin që bëntë një lojë të plogësht, gjersa ndryshimet e trajnerit Gattuso dhanë rezultat.
Ishte Samu Castillejo ai që kaloi Milanin në avantazh në minutën e 69-të, me sulmuesin spanjoll që shfrytëzoi asistin e bashkëkombasit të tij, Suso.
Milani në vazhdim shënoi sërish me Cutronen, por goli u anulua për pozicion jashtë loje.
Kur zhvillohej minuta e 86-të Parma gjeti golin e barazimit me anë të mbrojtësi portugez, Bruno Alves i cili ekzekutoi në mënyrë perfekte një goditje të lirë afër zonës.
Deri në fund nuk ndryshoi rezultati, derisa ky barazim i prish punë Milanit që mbetet në vendin e 4-të me 56 pikë por rrezikon ta humb këtë pozitë në varësi të rezultateve të rivalëve.
https://vc.sporttube.com/video/2019/4/20/FIUCCCG.mp4