Milani i ardhshëm, 4 largime falas dhe shumë dilema
Sezoni aktual nuk ka përfunduar ende dhe Milani është në garë për vendin e katërt dhe kupën, por ndërkohë drejtuesit kuqezinj shohin nga e ardhmja, sepse për planifikimin e sezonit të ri nuk duhet pritur deri në qershor.
Në javët e ardhshme Leonardo e Maldini do të vendosin së bashku me Gattuso-n dhe Gazidis në lidhje me lojtarët që janë nën kontratë dhe lirohen në verë ose kanë edhe një vit më tej.
Shumica e titullarëve kanë kontrata afatgjata, por ka edhe çështje “me spec”, që duhen zgjidhur pa ardhur vera.
2019 – Prej kohësh po flitet për rinovim me kolumbianin Cristian Zapata, por firma nuk po vjen. Në fund të sezonit do largohen falas Montolivo, Bertolacci, José Mauri dhe me shumë gjasa edhe Abate, ndërsa Bakayoko është në huazim nga Chelsea dhe në verë qëndron te Milani vetëm nëse paguhen 38 milionë euro.
2020 – Bonaventura është i dëmtuar prej kohësh, ndaj rinovimi i tij do të varet nga ecuria e riaftësimit. Lucas Biglia dëshiron të rinovojë, por e ardhmja e tij varet edhe nga ajo e Kessie.
2021 – Nga lojtarët që kanë edhe 2 vite kontratë, çështja më problematike është ajo e Gigio Donnarumma-s. Rinovimi mund të kthehet në një problem madhor, ashtu si ndodhi herën e fundit, por të paktën prej muajsh nuk po flitet fare për këtë temë dhe ka rënë në qetësi edhe agjenti i lojtarit. Ricardo Rodriguez është mirë te Milani dhe është gati të rinovojë nëse klubi dëshiron, ndërsa Calhanoglu me shumë gjasa do të shitet këtë verë, në rast ofertash mbi 20 milionë euro.
2022 – Kapiteni Romagnoli është e tashmja dhe e ardhmja e Milanit, nuk përjashtohet rinovimi në muajt e ardhshëm. Krejt ndryshe situata për Suso e Kessie, i pari mund të largohet për 38 milionë euro sipas kontratës, i dyti është kthyer në problem pas sherrit me Biglia në derbi.
2023 – Piatek, Paquetà, Cutrone e Caldara janë “të blinduar” deri në 2023 dhe nuk ka nevojë të rishikohet kontrata me ta. Edhe Samu Castillejo ka kontratë afatgjatë, do të konfirmohet, nëse nuk vjen ndonjë ofertë e çmendur, sepse Milani e bley goxha shtrenjtë verën e shkuar, rreth 25 milionë euro.
LISTA E PLOTË E SKADIMIT TË KONTRATAVE
2019
Zapata
Abate
Montolivo
Bertolacci
José Mauri
Bakayoko
2020
Plizzari
Biglia
Bonaventura
2021
G. Donnarumma
A. Donnarumma
Reina
Strinic
Rodriguez
Musaçhio
Calhanoglu
Borini
2022
Romagnoli
Conti
Calabria
Laxalt
Kessie
Suso
2023
Caldara
Paquetà
Castillejo
Cutrone
Piatek
