Barcelona do ta nderojë Lionel Messin me 10 statuja në Camp Nou, kur argjentinasi t’i varë këpucët në gozhdë, ka thënë me shaka presidenti i klubit Josep Maria Bartomeu.
Pesë herë fituesi i Topit të Artë, Messi, është golashënuesi më i mirë në histori të Barçës, me 600 gola. 31-vjeçari e regjistroi golin e tij të 600-të në stil, duke shënuar nga goditja e dënimit në fitoren e Barçës 3:0 kundër Liverpoolit në gjysmëfinalen e parë mes tyre në Ligën e Kampionëve të mërkurën.
Superylli argjentinas – i cili ka kontratë me klubin deri në vitin 2021 – e fitoi trofeun e 33-të me gjigantin katalonas fundjavën e kaluar, kur ia siguroi klubit triumfin në La Liga me një gol ndaj Levantes.
Ky ishte titulli i parë në një sezon që djelmoshat e Ernesto Valverdes me shumë mundësi do ta fitojnë tripletën.
Barça, pa dyshim, shpreson se Messi do të jetë ende pjesë e skuadrës kur rinovimi dhe zgjerimi i Camp Nou – vendosja e një kulmi dhe shtimi i kapacitetit në 105.00 ulëse, të kompletohet më 2023.
I pyetur nëse Messi një statujë e Messit do të ndërtohet në stadiumin e modernizuar, Bartomeu tha: “Do të jenë 10 sosh!”
“Unë nuk do t’ia jepja Topin e Artë atij. Ai e ka tejkaluar Topin e Artë tani, është në një kategori i vetëm”, shtoi ai.
“Ka shumë lojtarë të mëdhenj, por Messi është në një nivel tjetër”, insistoi ai.







