Osmani-Meloni
Meloni takon Osmanin, kërkon nga palët shtensionim dhe zbatim të Marrëveshjes së Ohrit
Presidentja e Kosovës, Vjosa Osmani, ka zhvilluar një takim me kryeministren e Italisë, Giorgia Meloni, në margjinat e Samitit BE-Ballkani Perëndimor në Bruksel.
Siç njofton qeveria italiane, takimi ishte i përzemërt, ndërsa përveç konfirmimit të miqësisë që lidh Italinë dhe Kosovën, ofroi një mundësi për të bërë një pasqyrë të dialogut Kosovë-Serbi të lehtësuar nga Bashkimi Evropian, raporton Klankosova.tv.
“Nga pala italiane u përsërit ftesa për të dyja palët për të miratuar masa de-përshkallëzimi që synojnë të mundësojnë zbatimin e plotë të Marrëveshjes së Ohrit”, u tha në njoftim.
