Mbështetësit e Dodikut nga Banja Lluka kërcënojnë me vdekje përfaqësuesin e Lartë të Bosnjës
I sanksionuari i SHBA-ve dhe paterica e Putinit në Bosnje, Milorad Dodik, ka marrë pjesë në një tubim mbështetës për Republikën Serbe të Bosnjës, që u mbajt në Banja Lluka.
Dodik, që është anëtari i presidencës së Bosnjës tha se ishte krenar që “nuk u thanë fjalë fyese në tubim”, megjithëse në prani të tij u këndua një këngë që kërcënonte me vdekjen e Përfaqësuesin e Lartë në Bosnje, Christian Schmidt, që ia prishi planin para disa ditësh Dodikut.
Gjatë interpretimit të këngës ku po bëhej thirrje për vrasjen e Schmidtit, Dodik dhe presidentja e Republikës Serbe, Zeljka Cvijanoviq buzëqeshën, transmeton N1 Sarajevo.
Oko Dodika svi pjevaju, ali ne i on.
— TV N1 Sarajevo (@N1infoSA) April 20, 2022
Uživo pratite: https://t.co/p5lbJADHEb pic.twitter.com/7Hzv1I6wew
Në një prononcim për mediat, Dodik më pas u shpreh se ndihej krenar sepse në tubim nuk u thanë fjalë fyese.
Sipas vlerësimeve të policisë, në tubim morën pjesë rreth 18 mijë persona, raporton reporteri i H1 nga Banja Lluka.
Të tubuarit kishin veshur tri ngjyrëshe, në Banja Lluka ishin vizatuar mbishkrime në mbështetje të Ratko Mlladiqit, ndërsa në tubim ishte edhe një burrë i cili mbante një pankartë me fytyrën e Mlladiqit, e cila u hoq shpejt.
Prezencë të fortë të policisë vunë re edhe kamerat e H1, ku në çatitë e ndërtesave u vendosën snajperë.
Tubimi u organizua pas vendimit të Përfaqësuesit të Lartë Christian Schmidt për pezullimin e Ligjit për pronën e paluajtshme të Republikës Serbe. Arsyeja e tubimit janë sanksionet amerikane dhe britanike kundër Milorad Dodikut dhe Presidentes së RS-së, Zheljka Cvijanoviq. /Ballkani.info/