Mbështetësi i LVV-së i “demoralizon” militantët e Kurtit, publikon deklaratat e Vuçiqit pas takimeve me liderët kosovarë nëpër vite
Aleksandar Vuçiq më 18 gusht, me anë të në një videoadresimi në Instagram, pas përfundimit të takimeve në Bruksel, tha se mezi po pret të kthehet në Serbi, pas një ditë të vështirë të bisedimeve, gjë që ekzaltoi përkrahësit e Kurtit, të cilët duket se erdhën në përfundim njëzëri se vetëm kreu i LVV-së mund ta nervozojë.
Megjithatë, dramat e Vuçiqit, nuk janë të reja për publikun. Ai ndër vite ka përdorur taktizime të tilla me të cilat provon ta bindë opinionin serb se po lufton si luan kundër liderëve të Kosovës.
Mbështetësi i LVV-së, Demush Shasha, në një postim në Facebook, i ka sjell deklaratat e Vuçiqit të bëra ndër vite.
Vuçiq si të vështirë e portretizonte çdo takim në kuadër të dialogut edhe me Isa Mustafën e Hashim Thaçin, por edhe me Ramush Haradinajn e Avdullah Hotin.
Më poshtë postimi i plotë i Shashës:
Sot në ora 13:30 Presidenti Vuçiq do të mbaj konferencë për shtyp lidhur me dialogun. Konferenca me siguri do të jetë një akt tjetër i viktimizimit politik të Vuçiqit për qëllime të brendshme politike, prandaj të gjitha mesazhet që do të vinë sot nga Vuçiqi duhet parë ekskluzivisht nga prizmi i nevojave të tij personale politike. Dhe pjesë thelbësore e këtij cirku politik është viktimizimi personal i Vuçiqit dhe zmadhimi i armiqve kundër të cilëve Serbia lufton. Së fundi edhe këtë javë kur përfundoj takimet në Bruksel Presidenti Vuçiq cilësoj se kjo ishte “ditë e rëndë” për Serbinë. Se si mund cilësohet diskutimi për gjëra të thjeshta sikur tabelat e veturave gjë e rëndë mbetet mister. Por për të kuptuar këtë cirk dhe viktimizim politik të Vuçiqit ja një përmbledhje e paralajmërimeve për “ditë të rënda” të Vuçiqit:
“Para nesh është një periudhë shumë e rëndë”, 11 qershor 2015.
“Para nesh është një periudhë e rëndë”, 24 maj 2017.
“Para nesh është një periudhë e rëndë”, 15 nëntor 2017.
“Para nesh është një periudhë vendimtare dhe gjithsesi e rëndë”, 4 maj 2018.
“Para nesh është një periudhë tmerrësisht e rëndë”, 16 prill 2019.
“Para nesh është një periudhë e rëndë”, 18 qershor 2020.
“Para nesh është një periudhë e rëndë”, 10 korrik 2020.
“Para nesh është një periudhë e rëndë”, 24 janar 2021.
“Para nesh është një periudhë shumë e rëndë”, 23 shkurt 2021.
“Dy-tre ditë të ardhshme do të janë ditët e mia më të rënda”, 31 maj 2021.
“Para nesh është një periudhë e rëndë”, 11 maj 2022.
“Sot ishte një ditë e rëndë”, 18 gusht 2022.
