“Mbappe është i mirëseardhur në Madrid”
Courtois e mirëpret Mbappen në Real Madrid.
Pas Vinicius Junior, edhe Thibout Courtois ka folur për mundësinë e transferimit të Kylian Mbappé në Real Madrid.
“Mbappe në Madrid? Nuk e di, kam lexuar vetëm nëpër media. Por është e qartë se lojtarët si ai gjithmonë janë të mirëseardhur në Real Madrid”, tha Courtois.
Ai foli edhe për transferimin e Eden Hazard.
“Jam shumë entuziast për ardhjen e Eden te Reali, te skuadra më e mirë në botë. Është një djalë shumë i qetë, i sjellshëm dhe gjithnjë buzëqesh. Eden do të fitojë gjithnjë, të shënojë dhe japë asist”, tha Courtois për “Marca”.
“Këto cilësi e bëjnë një kampion të madh dhe këta futbollistë meritojnë të luajnë te Reali. Ardhja e tij do ta rritë ndjeshëm cilësinë e skuadrës. Mendoj se do të ndihet shumë mirë me grupin”, u shpreh Courtois, që mirëpret ish-shokun e tij të skuadrës te “blues”, tha ai
