Futbollisti egjiptian, Omar Marmoush, ka realizuar “hat-trick” në fitoren e Manchester Cityt.

City të shtunën mbrëma shënoi fitore ndaj Newcastle Unitedit me rezultatin e thellë 4:0.

Kjo ndeshje i takoi xhiros së 25-të të Premier Leagues.

Marmoush i shënoi tre golat e parë në minutën e 19-të, 24-t dhe 33-të.

Te goli i parë i Marmoushit asistoi portieri brazilian, Ederson.

Për Edersonin ky ishte asistimi i tretë këtë edicion. Ederson është bërë edhe portieri që ka më së shumti asistime në histori të Premier Leagues. Ai ka gjashtë asistime.

Goli përfundimtar për 4:0 u shënua në minutën e 84-t nga James McAtee.

City është në pozitën e katërt me 44 pikë.

Newcastle ka tri pikë më pak në vendin e shtatë.