Mbrojtësi i Leicesterit

Maguire synon të luajë në Champions League

Mbrojtësi i Leicester Cityt dhe kombëtares angleze, Harry Maguire i ka vendosur vetës objektiv të luajë në Champions League.

Maguire tha se është i fokusuar te Leicesteri por një ditë mendon të shijojë emocionet e kompeticionit më të rëndësishëm për klube.

25 vjeçari pas performancës pozitive në Kupën e Botës ngjalli interesimin e Manchester United, por në fund vendosi të qëndrojë te “The Foxes”.

“Unë jam një lojtar ambicioz, nëse nuk jeni i tillë atëherë jeni në lojën e gabuar. Secili dëshiron të luajë në nivelet më të larta dhe një prej tyre është Champions League”, deklaroi Maguire.

Maguire pavarësisht ofertave i premton besnikëri Leicesterit, klub në të cilin u transferua në vitin 2017 nga Hull City.