Llapi dhe Ferizaj luajtën baras në ndeshjen e xhiros së 33-të të elitës së futbollit kosovar dhe nuk kanë bërë ndryshime në tabelë. 

Ndeshja e zhvilluar në stadiumin “Zahir Pajaziti” u mbyll 1:1. 

Ferizaj mbetet në vendin e katërt me 49 pikë, aq sa ka edhe Malisheva në vendin e tretë, derisa Llapi në pozitën e tetë, përkatësisht të barazhit, ka 41 pikë, një më pak se Dukagjini i vendit të shtatë. 
Erion Sadriu shënoi për Ferizajn në minutën e 61-të, ndërsa në minutën e 69-të, sfidën e vendosi goli i Ardit Tahirit nga penalltia. 

Ferizaj mbetet pa humbje në gjashtë ndeshjet e fundit të Superligës, me katër fitore e dy barazime, ndërsa Llapi ka tri ndeshje pa fitore, me dy barazime e një disfatë. 
Llapi është edhe në finale të Kupës së Kosovës. 

Më 21 maj luan ndaj Prishtinës në finale të Kupës.