Legia e shkarkon trajnerin serb para ndeshjes me Dritën në Ligën e Evropës

Tërmet te Legia e Varshavës në prag të ndeshjes ndaj Dritës. Klubi polak e ka shkarkuar trajnerin serb Aleksandar Vukoviq para ndeshjes me Dritën.

Legia do ta sfidojë të enjten në stadiumin e saj skuadrën kosovare në kuadër të rrethit të tretë kualifikues të Ligës së Evropës.

Ky trajner në edicionin e kaluar e fitoi titullin kampion me skuadrën polake, por në këtë edicion ka dështuar duke mos i arritur pritshmëritë.

Klubi nga kryeqyteti i Polonisë nuk ka bërë të ditur ende se kush do të jetë pasuesi i serbit në krye të Legias.

Legia pas xhiros së katërt në kampionat ndodhet në pozitën e gjashtë me po aq pikë të grumbulluara.