Skuadra italiane ‘Lazio’ zyrtarisht ka njoftuar se do ta lirojë futbollistin Vedat Muriqi të luaj në tri ndeshjet e ardhshme me Kombëtaren e Kosovë. Tash i mbetet trajneri të Kosovës të vendosë nëse do ta aktivizojë yllin kosovar në ndeshjen e së enjtes kundër Maqedonisë.
Ndonëse ende nuk është paraqitur as me skuadrën e re ‘Lazio’ pas lëndimit, futbollisti kosovar Vedat Muriqi ka tashmë lejen e klubit të tij të ri që të ri-startojë në fushë gjatë 3 ndeshjeve të ardhshme me Kombëtaren e Kosovës, shkruan Reporteri.net.
I mbetet trajnerit të Kosovës, Bernard Challandes, të vendosë nëse ish-yllin e Fenerbaces do ta aktivizojë në fushën e blertë, ditën e enjte, kur përfaqësues e Kosovës zhvillon ndeshjen ndaj Maqedonisë, në Ligen e Kombeve, e rëndësishme për kualifikim në ‘Euro 2021’.







