Superliga

LAJMI I FUNDIT| Superliga e Kosovës fillon në fundjavë

Kampionati elitar në futbollin kosovar pritet të startojë në fundjavë më 19 dhe 20 shtator.

Gazeta “Sheshi” mëson që institucionet qendrore kanë dhënë dritën jeshile për nisjen e edicionit 2020/21 në Superligë.

Pas kërkesës së Federatës së Futbollit të Kosovës në Ministrinë e Shëndetësisë për të nisur edicionin e ri futbollistik, tashmë është marrë vendimi për të nisur në vikend me ndeshjet e xhiros së parë.

Gazeta “Sheshi” merr vesh gjithashtu ekskluzivisht që kampionet tjera, duke nisur nga Liga e Parë, deri te moshat e reja do të shtyhen për të paktën edhe një javë.

Gjithsesi vendimi zyrtar nga Federata e Futbollit të Kosovës do të vijon më vonë, teksa klubet elitare tashmë kanë marrë konfirmimet për ndeshjet e fundjavës.

Xhiroja e I-rë:

Drita – Llapi
Trepça ’89 – Arbëria
Prishtina – Drenica
Besa – Ballkani
Feronikeli – Gjilani

Për datat dhe orën e takimeve do të njoftoheni më vonë.