Agron Beka
Kuvendi e shkarkon Agron Bekën
Me 62 vota për, Kuvendi i Kosovës e ka shkarkuar Agron Bekën, anëtarin e Këshillit Prokurorial të Kosovës.
Agron Beka ishte zgjedhur nga Kuvendi i Kosovës para tri vitesh në pozitën e anëtarit joprokuror në Këshillin Prokurorial.
Ai, është shkarkuar sot me rekomandim të Komisionit Parlamentar për inicimin e shkarkimit të anëtarit Agron Beka.
Partitë opozitare, PDK, LDK dhe AAK nuk kanë marrë pjesë në votim.
Deputeti i Lëvizjes Vetëvendosje, Adnan Rrustemi, në prezantimin e rekomandimit, ka thënëse anëtari joprokuror në Këshillin Prokurorial të Kosovës Agron Beka ka bërë shkelje etike.
Sipas tij, qëndrimi i Bekës në KPK është imazh i keq për Kuvendin e Kosovës.
