Kusari-Lila: Hoti s’duhej të takohej me Vuçiqin ditën kur Thaçi ishte para prokurorëve

Deputetja e VV-së, Mimoza Kusari-Lila, ka kritikuar partitë politike të cilat po flasin për postin e presidentit, duke thënë se nuk po tregojnë asnjë lloj ndjeshmërie ndaj situatës në të cilën ndodhet vendi.

“LDK-ja e ka ndikuar diskutimin për postin e presidentit, thua se po mbajmë zgjedhje për postin e presidentit, ndërsa dihet se ky post nuk mbetet vakant në asnjë variant”, ka thënë Kusari-Lila në Kanal10.

Sipas deputetes Kusari-Lila, kryeministri Hoti s’është dashur të shkojë në takimin me presidentin serb, Aleksandar Vuçiq, në ditën kur presidenti Thaçi ishte para prokurorëve.

“Më ka ardhur keq kur e kam parë se Hoti po takohet me Vuçiq pikërisht në ditën kur Thaçi po paraqitej para prokurorëve”, ka thënë ajo.