Kur Haradinaj ia thoshte në sy prokurorit të Speciales: Nuk kom mujtë me vra ushtarë serbë sa kom pas qejf

Nënkryetari i  Organizatës së ​Veteranëve të Luftës (OVL), së Ushtrisë Çlirimtare të Kosovës (UÇK’së), Nasim Haradinaj, që sot u dënua me katër vjet e gjysmë burg nga Gjykata Speciale, në deklarimin e tij i thoshte në sy prokurorit të Speciales, ‘kom vra ushtarë e oficerë serbë sa kam mujt’.

Në aktgjykimin e sotshëm, Gucati dhe Haradinaj janë shpallur fajtor për akuzat në lidhje me publikimin e dokumenteve të Zyrës së Prokurorit të Specializuar, të cilat, gjatë vitit 2020, shkonin në zyrat e OVL’së të UÇK’së.

Gjykata Speciale i ka shpallur fajtorë dhe i ka dënuar me nga katër vjet burgim dhe gjobë prej nga 100 euro Hysni Gucatin dhe Nasim Haradinajn, ish-drejtues të Organizatës së Veteranëve të Luftës së Ushtrisë Çlirimtare të Kosovës (OVL-UÇK).

Në dëshminë e tij, Nasim Haradinaj i kishte thënë në sy prokurorit të Speciales: “Kom vra ushtarë e oficerë serbë sa kam mujtë. Nuk kom mujtë me vra sa kom pas qejf. Nuk jom kthye prej Suedisë me dhënë lule”

“Kom gjujt edhe e di që kom vra ushtarë në front të Koshares me uniformë. Po ta pranoj ty, po pranoj se kom gjujt, bile nuk kom mujt me vra sa kom gjujt sa kom pas qejf. Kjo është diçka krejt tjetër, nëse është krim e pranoj edhe këtë krim. Në ushtarët të cilët kanë gjujt në mu, kom gjujt na u kanë afru në 100 metra. Na kanë vra i kemi vra, dhe jam tu fol për përvojën teme personale. Po, kam vra ushtarë serbë, edhe oficerë, që ata thonë që është oficerë se unë nuk e kam ditë çka është”.

“Po s’ka ktu të baj me civila asni send”, kishte thënë ai.

Haradinaj kishte thënë se “Unë nuk jam kthyer prej Suedisë edhe me dhonë lula, kur kam pranu me hy në front, kam pranu me vdekë vetë. Unë jam kanë në front, jam ka foli për pikën e frontit s’sjam marr me civil. Është shliru vendi jem edhe në rregull është”.

Ai mes tjerash kishte thënë se është plagosur prej tyre, që ka mujt me qenë edhe i vrarë, duke thënë mes tjerash se nuk kërkon llogari pse e kanë plagos, kështu që as ai nuk kërkon llogari pse ka gjuajtur në anën e tyre, derisa sipas tij ka qenë i sulmuar.

“Në vendim tem më kanë sulmu, unë as në Serbi nuk kam shku, as jashta Kosove nuk kam shku… në vendim tim dhe me uniformë”.

Më poshtë keni një pjesë të shkëputur nga ky deklarim i tij.