Përfaqësuesja e Kosovës të enjten me fillim nga ora 19:00 në stadiumin ‘Fadil Vokrri’ takohet me Kombëtaren e Danimarkës.

Danimarka e udhëhequr nga Christian Eriksen, të mërkurën ka mbërritur në Prishtinë, ku ka zhvilluar edhe një stërvitje para ndeshjes.

Kompania të cilës i janë besuar shitjet online të biletave të ndeshjes Kosovë – Danimarkë, ka bërë një lëshim duke gabuar orën e fillimit të ndeshjes.

Fotografi të shumta të biletave kanë treguar se në to shkruan se ndeshja fillon në orën 18:00, por në fakt ndeshja nis një orë më vonë.

Shpresojmë se ky gabim të mos krijoj huti te tifozët.