Kosova mposht edhe Luksemburgun
Basketbollistët e Kosovës kanë shënuar fitoren e dytë në fazën para-kualifikuese për Botërorin 2023.
Kosova triumfoi të dielën në udhëtim ndaj Luksemburgut me rezultatin 84:80, në ndeshjen e Grupit B të para-kualifikimeve.
Drilon Hajrizi me 25 pikë ishte realizatori më i mirë te Kosova, ndërsa 19 pikë i shënoi Erjon Kastrati.
Te Luksemburgu më efikasi ishte Clancy Rugg, i cili shënoi 30 pikë.
Kosova të enjten në Prishtinë e mposhti Islandën me 80:78.
Ndeshjen e radhës e luan më 26 nëntor në udhëtim në Sllovaki.