Kosova gati për sprovën kundër Maltës   

Para udhëtimit për në Maltë, Kombëtarja e Kosovës në stadiumin “Fadil Vokrri” ka mbajtur stërvitjen e fundit në Kosovë, ngase në Maltë do të ketë edhe dy stërvitje.

Në një atmosferë sportive dhe pune, me përkushtim më të madh të vetëdijshëm për rëndësinë e ndeshjes dhe të pikëve, djemtë e Kombëtares treguan gjithë seriozitetin dhe vullnetin e tyre që nga Malta të kthehen me gjah të plotë.

Edhe në këtë stërvitje veç përgatitjes fizike ata nën urdhrat e Shtabit teknik, provuan skemat tekniko-taktike të lojës, gjuajtjet nga këndi, gjuajtjet e lira dhe ato nga pika e bardhë. Djemtë pas stërvitjes u shprehen me optimizëm për një rezultat pozitiv.

Herolind Shala

Çdo ndeshjeje ne i qasemi me seriozitetin më të madh, Nuk ka kundërshtar të lehtë, por ne jemi përgatitur mirë dhe atmosfera në grup është jashtëzakonisht e mirë dhe jemi të vetëdijshëm për rëndësinë e pikëve, ndaj edhe udhëtojmë për fitore.

Hekuran Kryeziu

Asnjë ndeshje nuk është e lehtë, por ne shkojmë atje për tri pikë. Mbase duhet shikuar se çfarë po bën Azerbajxhani, por kjo nuk duhet edhe shumë të na interesojë, pasi synimi ynë janë tri pikët dhe jemi favoritë në grup dhe të ecim tutje.

Amir Rrahmani

Natyrisht se na pret një ndeshje jo edhe aq e lehtë, sepse për asgjë tjetër Malta lufton për prestigj, prandaj ndeshjes do t’i qasemi me plotë seriozitet dhe kështu mund t’i fitojmë tri pikët e nevojshme.