1-1

Kosova e mbyll me barazim ndaj Greqisë një fushatë dëshpëruese për Kupën e Botës 2022

Kosova e ka mbyllur një fushatë kualifikuese tejet dëshpëruese për Kupën e Botës 2022 me një barazim 1:1 me Greqinë në ndeshjen e fundit në grup të dielën.

Kapiteni Amir Rrahmani e shpëtoi Kombëtaren e Kosovës nga humbja në Athinë, e cila do të ishte e pesta radhazi në të gjitha garat, me një gol në pjesën e dytë, pasi Georgios Masouras e kishte kaluar Greqinë në pjesën e parë.

Kosova e përfundon fushatën e dytë kualifikuese në vendin e fundit në grup.

Dardanët mblodhën vetëm pesë pikë nga tetë ndeshje, pas një fitorjeje, dy barazimeve dhe pesë humbjeve.