Todd Jacobus

Koloneli amerikan në pension: Nëse s’do të ishin ushtarët si Fehmi Lladrovci, Kosova do të ishte ndryshe nga kjo që është sot

Koloneli amerikan tashmë në pension, Todd Jacobus, i cili ka shërbyer për vite të tëra në Gardën e Iowas, e që për pak kohë ka shërbyer edhe në Kosovë, ka thënë se Kosova sot do të ishte ndryshe nëse s’do të kishin qenë luftëtarët si Fehmi Lladrovci.

Këtë koment Jacobus e ka bërë në platformën “X” ku është rikujtuar një deklaratë e Fehmi Lladrovcit me rastin e 25 vjetori të vrasjes së tij nga forcat serbe.

Ushtaraku amerikan ka thënë se ishte dashur kohë, durim dhe sakrifica që NATO ta njihte Millosheviqin për atë që ishte dhe të merrte vendimin për bombardim.

“Po të mos ishin luftëtarët, si Fehmi Lladrovci, Kosova do të ishte ndryshe nga sot. U desh kohë, durim dhe sakrifica që NATO-ja të njihte Molosheviqin për atë që ishte dhe të merrte vendimin për të ndërmarrë veprime. Përshëndetje ata që krijuan një themel ndërtimi për Kosovën”, ka shkruar Jacobus.