Një lajm i bujshëm por edhe shumë i çuditshëm vjen nga Rusia. Pas një sezoni fantastik të cilin e mbylli plot klas, Zeniti i Shën Petersburgut e përmirësoi bilancin e trofeve në muzeun e klubit.
Por për të vendosur kupën e fundit, do të ketë nevojë për meremetime.
Pasi dominoi Ligën ruse të cilën e fitoi me 15 pikë vantazh ndaj Lokomotivës së Moskës, Zeniti fitoi edhe Kupën.
Skuadra e trajnerit Semak arriti të kalojë minimalisht rivalët e Khimki pas një penalltie të shënuar nga Dzyuba, por gjatë festimeve, gjërat nuk shkuan si duhet në stadiumin e finales.
Kapiteni Ivanoviç ngriti lart trofeun, por më pas serbit i ra nga duart duke e thyer. Kjo nuk e cënoi gjithsesi festën e merituar të skuadrës dominuese këtë sezon në futbollin rus.
Zenit St Petersburg managed to accidentally smash their latest trophy during the celebrations 😬
— ESPN FC (@ESPNFC) July 25, 2020
(via @MatchTV)pic.twitter.com/jsKJiQgd5p







