Klopp thotë se Manchester Unitedi mbrohet gjithmonë ndaj Liverpoolit
Trajneri i Liverpoolit, Jurgen Klopp, e ka kritikuar ashpër stilin e lojës së Manchester Unitedit në barazimin 1-1 të dielën, duke thënë se stili mbrojtës i lojës së skuadrës së Ole Gunnar Solskjaer nuk i përshtatet historisë së këtij derbi.
Unitedi dhe Liverpooli u ndan baras 1-1 pas golave nga Marcus Rashford dhe Adam Lallana në derbin e Premierligës të dielën në Old Trafford.
“Djajtë e Kuq” luajtën me pesë mbrojtës dhe e mbajtën topin në pronësi vetëm 32 për qind gjatë ndeshjes, si dhe u mbrojtën pothuajse gjatë gjithë kohës pas golit të epërsisë në pjesën e parë.
Lallana e shpëtoi skuadrën e Kloppit nga humbja e parë në ligë këtë sezon me golin e barazimit në minutën e 85-të, megjithatë.
I pyetur për taktikat e kundërshtarit, trajneri gjerman tha se Unitedi gjithmonë ka luajtur futboll mbrojtës sa herë që skuadra e tij e ka vizituar Teatrin e Ëndrrave.
“Stili i Man Unitedit nuk më tërbon. Unë nuk jam personi që duhet të shqetësohet për stilin e tyre”, tha Klopp pas ndeshjes.
“Por është fakt se sa herë vijmë këtu, ata vetëm mbrohen. Në rregull është, nuk po kritikoj, po e them një fakt”, shtoi ai.