Kjo komunë nuk ka më raste pozitive me koronavirus, rezulton negativ i infektuari i fundit

Të gjithë pacientët që ishin prekur nga koronavirusi në Istog, tashmë janë shëruar.

Kështu është bërë e ditur nga drejtori i Shëndetësisë në Komunën e Istogut, Mujë Osmanaj.

“Një lajm i gëzueshëm për Istogun, personi i vetëm që deri më tash ka rezultuar pozitiv me COVID-19 sot ka dalë negativ në ritestimin e parë dhe që presim që edhe nesër në ritestimin e dytë të dal negativ e që Istogu të jetë me zero covid”, ka shkruar ai në profilin e tij në Facebook.

Në Kosovë deri tani me koronavirus janë konfirmuar 1 mijë e 38 raste, 791 prej të infektuarve janë shëruar kurse janë regjistruar 30 vdekje.