Këshilltari i ministrit të Qeverisë së Kosovës publikon hartën e Kosovës me flamur të Serbisë
Dragan Repanoviq, këshilltar juridik i ministrit të Ministrisë për Komunitete dhe Kthim, Dalibor Jevtiq e ka publikuar hartën e Kosovës të mveshur me flamur të Serbisë.
Në vitin 2016, ai e kishte publikuar një fotografi ku shihet flamuri serb i vendosur mbi hartën e Kosovës. Kjo fotografi mbahet ende në Facebook të Repanoviqit si një nga fotot e tij të profilit.
Në Ministrinë për Komunitete dhe Kthim, Rapanoviq punon që nga viti 2015. Ai më herët kishte punuar si këshilltar i jashtëm në këtë dikaster, ndërsa kishte punuar edhe si këshilltar komunal në Kuvendin e Komunës së Istogut.
