Këshilltari i Kurtit: E drejta është sikur shtatëzënia, je apo nuk je, nuk mund të jesh pak shtatëzënë

Vetëm edhe një javë i kanë mbetur Gjykatës Kushtetuese për të nxjerrë aktgjykimin e saj për dekretin e presidentit Hashim Thaçi për mandatimin e Avdullah Hotit si kandidat për kryeministër.

Edhe pse ende nuk ka asgjë zyrtare, gjatë ditës së sotme janë publikuar artikuj ku shkruhet se shumica e gjyqtarëve të Gjykatës Kushtetuese, respektivisht shtatë gjyqtarë janë mobilizuar për të gjetur arsyetime mbështetëse për veprimet e Thaçit.

E për këtë çështje ja folur edhe këshilltari ligjor i kryeministrit në detyrë Albin Kurti, Durim Berisha, i cili ka thënë se e drejta është sikur shtatëzania.

Berisha ka shkruar në rrjetin social Facebook se Gjykata Kushtetuese ose i jep të drejtë palës që ka kërkuar respektimin e kushtetutës ose palës tjetër.

“E drejta eshte sikurse shtatezenia. Nuk mund te jesh pak shtatezene, por je shtatezene apo nuk je. Prandaj edhe Gjykata ose i jep te drejtes pales qe ka kerkuar respektimin e Kushtetues dhe zbatimin e nenit 82.2 KK per shpallje te zgjedhjeve, ose i jep te drejte pales tjeter.Nuk ka situate balancuese ne drejtesine kushtetuese. Ose behet drejtesi ose nuk behet”, ka shkruar ai.