KB Feronikeli hyn në Superligë pas fitores ndaj Vëllaznimit
KB Feronikeli ka arritur suksesin e shumëpritur, ngritjen në Superligën e Kosovës në basketboll, pasi mposhti KB Vëllaznimin, me rezultat të thellë, 70:49.
Më i dalluari në radhët e Feronikelit, në ndeshjen e tretë finale të play-offit ishte Arti Hajdari, me 23 pikë, i ndjekur nga Mustafë Merovci me 8 pikë, e Janjeva me 7 sosh.
Ndërsa te KB Vëllaznimi, më i dalluari ishte Atik Koshi me 12 pikë.
Kreu i Drenasit, Ramiz Lladrovci gjithashtu ka uruar klubin për këtë sukses historik.
Ja postimi i kryetarit Lladrovci në facebook:
“Prej sonte, edhe një ekip sportiv nga Drenasi, i bashkohet sportit elitar në Republikën e Kosovës, Klubi i Basketbollit ” Ferronikeli”.
KB “Ferronikeli” është pjesë e Supërligës së Kosovës në basketboll.
Përgëzime për trajnerin, basketbollistët dhe në veçanti z. Naser Ramën, kryetarin e klubit, i cili me financimin e vet, solli lojtarë cilësor dhe qëndroi pranë klubit me tërë kapacitetin si dhe basketbollistin Alban Veselin, krenarinë e sportit të Drenasit.
Drenasi, është krenar me sportistët e vet dhe gjeneratat e reja që me pasion merren me sport duke u bërë pjesë e kompeticioneve elitare.
Urime KB “Ferronikeli”, urime sportdashës dhe qytetarë të komunës së Drenasit!”
