Super stadiume

Katari punon fort për botërorin 2022, stadiume me ajër të kondicionuar (FOTO)

Disa muaj pas përfundimit të botërorit Rusi 2018, gjithë sytë janë kthyer nga Katari, vendi që pritet të organizojë ngjarjen më të madhe sportive në vitin 2022.

Ky vend i vogël do të jetë i pari nga vendet arabe që organizon një botëror futbolli, dhe po ashtu, i pari që ndryshon traditën dhe e organizon në dimër, për shkak të vapës së madhe në verë.

Presidenti i FIFA-s, Gianni Infantino, lëvdoi përparimin e Katarit me ndërtimin e infrastrukturës, gjatë një vizite ne Doha.

“Mund të shihet që është bërë shumë përparim që katër vite para botërorit”, tha Infantino gjatë një vizite në stadiumin e Al Vakrahs, që do të mbajë 40 mijë vende.

“Ky botëror është shumë i rëndësishëm jo vetëm për Katarin, por për të gjithë zonën, e cila e ka shumë pasion futbollin dhe investon shumë për të”, shtoi ai.