Karateisti Alvin Karaqi ka ndërruar shtetin të cilin do ta përfaqësojë.
Ai është rikthyer për të garuar sërish për Shqipërinë, ku kishte garuar para anëtarësimit të Federatës së Karatesë së Kosovës në Federatën Ndërkombëtare të Karatesë.
Karaqi ka lënë Kosovën për t’iu kthyer sërish ngjyrave kuqezi.
“2020 – Ekipi shqiptar i karatesë. Ndjenjë e mirë të kthehesh prapë”, ka shkruar Karaqi në Facebook.

Të njëjten gjë e kishte bërë edhe karateisti tjetër, Orges Arifi.
Karaqi momentalisht është karateisti me renditjen më të mirë Olimpike nga karateistët tanë.
Ai mbetet kandidat i mundshëm për të fituar normën Olimpike Tokio 2020, që është synimi i tij.
Alvini, që garon në kategorinë -84 kg, ishte afër medaljes në Lojërat Evropiane Minsk 2019.







